Атлетико Мадрид вечерва го пречекува Манчестер Јунајтед во првиот осминафинален дуел од Лигата на шампионите. Ќе биде тоа нова пресметка на ривалите по цели 30 години.
Тренерот на домаќините Диего Симеоне има многу проблеми со составувањето на тимот. Капитенот Коке, Даниел Вас и Матеус Куња се надвор од тимот, Јаник Караско е суспендиран, а Томас Лемар и Марио Хермосо се под огромен знак прашање. Аргентинецот ќе се потпира на брзината во нападот, каде има играчи како Жоао Феликс и Анхел Кореа.
Луис Суарез и Антоан Гризман најверојатно ќе стартуваат од клупата за резерви.
Вакви проблеми со составот нема неговиот колега Ралф Рангник. Од првата минута ќе стартува мегаѕвездата Кристијано Роналдо, кој често во кариерата погодуваше против Атлетико додека го носеше дресот на Реал Мадрид.
Против „душекџиите“ одигра 35 натпревари, на кои постигна 25 гола (3 хет-трика) и забележа девет асистенции.
