Бразилецот во Манчестер Јунајтед, играчот за врска Фред, негодува поради одлуката на клубот да го назначи Ралф Рангник како привремено решение за клупата на англискиот премиерлигаш.
Рангник го презеде Јунајтед на крајот на ноември по заминувањето на Оле Гунар Солскјер, а за три месеци во „Театарот на соништата“ дојде до израз неговата врска со Кристијано Роналдо.
И покрај тоа што Јунајтед славеше против Брајтон и Лидс и се зацврсти на четвртото место во Премиер лигата, Фред вели дека назначувањето на Рангник внесе доза на неизвесност во тимот.
„Важно е да се постигнат добри резултати што е можно поскоро, но важно е и да се има долгорочен план. Мислам дека е малку лошо за нас да го немаме. Во моментов, сè е фокусирано на краткорочни цели. Ние не знаеме како ќе се одвиваат работите на крајот на сезоната“, изјави Фред.
Англиските медиуми го најавуваат доаѓањето на Маурисио Покетино во клубот на лето, но се зависи од резултатите на ПСЖ до крајот на сезоната.
Манчестер Јунајтед вечерва гостува кај Атлетико Мадрид во Лигата на шампионите, а реваншот е три недели подоцна во Манчестер.
