Манчестер Јунајтед лесно распродава бодови. Тимот на Ралф Рангник одигра второ реми во низа (1-1) откако на „Олд Трафорд“ не успеа да го совлада Саутемптон. Ова сериозно ги нарушува плановите за настап во Лигата на шампионите.
Џејдон Санчо во 21.минута ги доведе „ѓаволите“ во водство, но оваа сезона Јунајтед не умее да го задржи до крај. На почетокот на второто полувреме, Че Адамс го совлада Де Хеа и израмни.
Манчестер Јунајтед не пронајде решение за да постигне победнички погодок до крајот на мечот.
