Англиската фудбалска Премиер – лига најави дека од денеска ќе ги олесни мерките поврзани со Ковид-19, за да може првенството да продолжи без бројни одложувања, кои беа особено чести кон крајот на декември и почетокот на јануари.
Повеќе од 20 натпревари од елитната лига во Англија мораа да бидат одложени во декември и јануари поради големиот број на заразени со коронавирус. Клубовите немаа доволно играчи за да ги одиграат мечевите.
Меѓу мерките што ќе се укинат е задолжителното носење заштитна маска во затворени простории, а од следната седмица тестирањето на играчите ќе се намали на двапати неделно.
