ЖФК Каменица Саса доведе уште едно засилување од САД, земјата светски првак во женски фудбал. По Пејтон Чик, нова фудбалерка на овој тим е и Анжелика Икеда. Станува збор за фудбалерка од средниот ред и доскорешен капитен на Илиноис Кобрас, Сент Луис, САД.
Анжелика Икеда потпиша едногодишен договор со ЖФК Каменица Саса и веќе почна да тренира со тимот, со цел побрзо да се адаптира на новата средина.
ЖФК Каменица Саса по 11 одиграни натпревари во македонската лига се наоѓа на четвртото место со 24 бода и заостанува три од лидерот ЖФК Тиверија Струмица и второпласираниот ЖФК Скопје.
