На денешниот меч меѓу Мавританија и Обединети Арапски Емирати, беше постигнат спектакуларен гол во 69. минута, но потоа беше поништен со новиот полуавтоматски систем за офсајд на ФИФА: Играчот на ОАЕ, Али Салех, со „ножички“ ја затресе мрежата на противникот, но неговата радост траеше кусо.
Новиот полуавтоматски систем за офсајд сигнализираше недозволена ситуација и погодокот беше поништен.
Поставени се камери на кровниот дел од стадионот, кои имаат за задача да ги следат движењата на фудбалерите и потоа да ги известуваат судиите кога играчот е во недозволена ситуација.
На крајот, ОАЕ сепак победи со 1-0 и тоа со гол во 93 минута.
