Јувентус ја оствари седмата победа во Серија А оваа сезона откако славеше на гости кај Салернитана со 0-2. „Старата дама“ покажа дека е поквалитетен тим и заслужено стигна до трите бода. Сега тимот на Масимилијано Алегри се наоѓа на седмата позиција со 24 бода, дури 11 помалку од лидерот Наполи.
Пауло Дибала со одличен удар во 21.минута донесе водство за Јуве, а го удвои Алваро Мората во 70.минута. Шпанецот изнуди и пенал во судиското продолжение од мечот, но Дибала не успеа да го реализира.
