Италијанскиот калчолигаш Лацио сака да ја засили голманската позиција со шпанскиот интернационалец Кепа Аризабалага. Тренерот Маурицио Сари сака да го доведе на „Олимпико“, но проблем е неговата огромна плата. Тој заработува 7 милиони евра по сезона на „Стемфорд бриџ“, а Лацио може да си дозволи само половина од таа сума.
Шпанецот одамна не е прва опција кај Томас Тухел и се чини дека неговото заминување е најдобро решение за сите. Од Лондон знаат и дека тешко ќе ја вратат инвестицијата од 80 милиони евра за голманот, па би се сложиле и да го испратат на позајмица во Лацио, но ако римјаните ја плаќаат комплетно неговата плата. Но, тоа се чини дека е невозможна мисија за „лацијалите“.
