Хрватска успеа да се пласира на Светското првенство во Катар откако на „Пољуд“ ја совлада Русија со 1-0. „Коцкестите“ имаа многу среќа, а победничкиот гол всушност е автогол на рускиот дефанзивец Федор Кудриашов. Тој во 81.минута сакајќи да го блокира центаршутот на Соса го смени правецот на топката и таа заврши во мрежата.
Хрватска на крајот заврши како првопласирана во групата Х со 23 бода, еден повеќе од Русија која ќе игра во мундијалскиот бараж.
Словачка ја декласира Малта на гости со 0-6, а Словенија го совлада Кипар со 2-1.
