Лажна вест? Турскиот гигант Бешикташ негира соработка со Вардар

Минатата недела, одекна информација дека македонскиот фудбалски клуб Вардар остварил соработка со најтрофејниот турски клуб, Бешикташ. ФК Вардар дури и сподели слика на социјалните мрежи со шефот на скаутинг службата на Бешикташ, Бајрам Билим.

Денес, се огласија и “црно-белите”, тврдејќи дека оваа вест, сепак, е невистинита.

“Веста која се појави за договор за соработка помеѓу нашиот клуб и македонски Вардар не е точна. Најљубезно ги молиме нашите навивачите да не даваат внимание на вакви вести, туку на нашите информации достапни за јавноста”, велат од Бешикташ.