Добредојде за Ердал Ракип од селекторот (ФОТО)

Ново лице во фудбалската репрезентација на Македонија. Ердал Ракип, играчот за врска на Малме, за првпат е дел од националниот тим. Веднаш откако ФИФА го одобри неговиот спортски пасош, селекторот Благоја Милевски му упати повик да ја засили конкуренцијата во средниот ред.

Се работи за 25-годишен играч од средниот ред кој секако е добредојден во ситуација кога го немаме Енис Барди поради повреда. Тој игра стандардно во шведскиот тим Малме, кој оваа година сензационално се пласира во групната фаза од Лигата на шампионите.

Сепак, ќе треба да покаже дека е квалитет и за националниот тим, со оглед дека и во минатото имавме неколку „странски засилувања“, но ниеден не покажа дека може да биде носител на играта, освен Аријан Адеми.