Поранешниот играч од средниот ред на Арсенал и екс-репрезентативец на Англија, Џек Вилшер, се надева дека ќе започне разговори за враќање во редовите на „топчиите“, три години откако замина од „Емирати“ и се приклучи на Вест Хем. Сепак, откако беше ослободен од Борнмут минатата сезона, тој во моментов е без клуб за првпат во неговата кариера.
Менаџерот на Арсенал, Микел Артета, го покани да тренира со Арсенал, а многу лесно може да се случи да биде склучен и договор со него.
„Да се биде опкружен со добри пријатели и да тренирам со играчи од светска класа во својот поранешен клуб, тоа е нешто што сега ме прави среќен. Се надевам дека брзо ќе разговараме и околу иднината“, изјави Џек Вилшер.
