На Македонија и требаат нови и поинакви опции во нападот. Поради ова дополнителен повик од селекторот Благоја Милевски добива Кире Маркоски, напаѓачот на Шкупи.
Тој треба да помогне во развивањето на тактичките замисли за следните два квалификациски натпревари, против Исланд во Рејкјавик на 5.септември и против Романија во Скопје на 8.септември.
Националниот тим синоќа ремизираше без голови против Ерменија, во четрвтиот меч од квалификацискиот циклус за СП 2022 во Катар, а тоа беше деби на новиот селектор Благоја Милевски.
