Ерменија е во фудбалска еуфорија. Нашиот утрешен ривал во квалификациите за СП 2022 се наоѓа на првата позиција во групата, а на навивачите ќе им биде овозможено да го следат на стадионот „Храздан“.
„Се враќа фудбалот. Драги навивачи во овие важни денови и мечеви што нѐ очекуваат, стадионот Храздан е отворен за сите, за во вистинска фудбалска атмосфера да ги проследиме важните мечеви, со Македонија и потоа со Германија. Земете шалови, облечете дресови, викнете ги пријателите и правец сите на – стадион. За вас организиравме и наградна игра, ќе делиме награди, дресови, маички, а и влезници за пресметката со Лихтенштајн на 8 септември“, се вели во соопштението од федерацијата до навивачите.
.
