Германскиот интернационалец Џером Боатенг ќе го засили францускиот клуб Лион. Откако раководството на Лион одлучи да го суспендира капитенот Марсело, тргна во офанзива и денеска постигна договор со агентот на Боатенг.
Робусниот дефанзивец чекаше повик од Манчестер Јунајтед, но Лион сепак излезе како најконкретен, а договорот е блиску до реализација.
Боатенг е слободен играч откако неговиот договор со Баерн Минхен истече во јуни, и ова е навистина неочекуван трансфер. Германецот има 33 години и сигурно може да игра на високо ниво уште две -три сезони.
