Солскјер со победа го прослави јубилејот

Норвешкиот стратег Оле Гунар Солскјер денеска по 100. пат седеше на клупата на Манчестер Јунајтед на премиерлигашки натпревар и со победа го одбележи јубилејот, триумфирајќи на гостувањето кај Вулверхемптон со 0-1. Победничкиот гол за „црвените ѓаволи“ го постигна Мејсон Гринвуд во 80, минута од мечот.

За Манчестер јунајтед ова е втора победа во третото коло од новата сезона во Премиер – лигата, по кое составот на Солскјер е третопласиран со седум бодови, два помалку од лидерот Тотенхем.