Македонскиот првак во женски фудбал, тимот на ЖФК Каменица Саса, доживеа убедлив пораз на гостувањето во Торино, во квалификациите од Лигата на шампионите. Гигантот Јувентус славеше со 12-0. Фудбалерките на македонскиот тим беа инфериорни во секој поглед, но ова секако е големо искуство за нив.
Аријана Карусо постигна хет – трик, Андреа Стаскова исто така беше стрелец на три гола, два погодоци постигна Кристијана Џирели, а во листата на стрелците се запишаа и Мартина Росучи, Барбара Бонансеа, Анахита Заманиан, Ањезе Бонфантини.
