Новиот прволигаш Скопје оствари триумф (2-0) над Академија Пандев на пријателскиот натпревар одигран на стадионот на „Автокоманда“. Тимот на Љупчо Марковски беше подобар ривал и успеа да искористи дел од своите шанси за разлика од противникот.
Бенјамин Демир во десеттата минута го доведе Скопје во водство на овој дуел. Вториот гол беше дело на Иван Настевски во 60. минута од натпреварот.
