Каменица Саса против Јувентус во ЛШ за жени

Македонскиот претставник во квалификациите за Лигата на шампионите во женска конкуренција, тимот на Каменица Саса, ќе игра против италијанскиот гигант Јувентус. Фудбалерките на Саса ќе гостуваат во Торино на 18 август како дел од полуфиналниот меч од групата 8.

Македонија ќе има три претставници во новата сезона од женската Лига на шампионите. Покрај Каменица Саса, нашата најдобра фудбалерка Наташа Андонова со Леванте ќе ги одмери силите со Селтик, додека голманката Викторија Донева која настапува за НСА Софија ќе игра против украинскиот тим Харков.