Министерот за надворешни работи, Бујар Османи смета дека Грција неосновано се жали за македонските дресови со кои Македонија настапува на Европското првенство.
На денешна прес-конфренција, македонскиот министер за надворешни работи, Бујар Османи им одговори на Грците.
„Фудбалската федерација на Македонија е независна и непрофитна организација која што во Централениот регистар е регистрирана како здружение кое не прима државни пари. Прашањето за името се однесува на институции, организации и здруженија кои што примаат државни пари. Тоа значи дека се додека не прима државни пари ФФМ нема обврска да го прилагоди своето име. Ние имаме две комисии што се грижат за Преспанскиот договор, едната е меѓународната група на експерти, тие се задолжени и за трговските марки, и тие седнуваат и ги дефинираат, пример краткото име на државата односно кодот е МК и МКД. Во последно време има одредени реакции зошто не е НМ или НМК. НМ и НМК според Преспанскиот договор е само за регистарските таблички, за се друго е МК и МКД“, изјави министерот за надворешни работи, Бујар Османи.
Синоќа грчкиот министер за спорт, Лефтерис Авгенакис испратил писмо со жалба до претседателот на УЕФА, Александер Чеферин за логото на ФФМ кое се наоѓа на македонските дресови. На Грците им смета тоа што ФФМ е кратенка од Фудбалска федерација на Македонија. Според нив тоа е спротивно на договорот помеѓу двете земји потпшан во 2018 година.
Со писмо до македонското МНР се пожали и грчкиот министер за надворешни работи Никос Дендиас.
На денешна прес-конфренција, македонскиот министер за надворешни работи, Бујар Османи им одговори на Грците.
