„Вечниот“ Боби Божиновски ќе игра уште една сезона за Македонија ЃП, продолжи и Ермедин Адем

Капитенот на Македонија Ѓорче Петров, Боби Божиновски, ја продолжува својата одлична кариера и следната сезона. Тој беше еден од најдобрите фудбалери за врска во македонскиот шампионат минатата година и ќе продолжи да игра и следната иако веќе има полни 40 години.

Божиновски се договори со раководството на „лавовите“ да игра уште една сезона. Покрај него, Македонија ЃП постигна договор и со Ермедин Адем, уште еден искусен играч од средниот ред. И тој и претстојната сезона ќе го носи дресот на „лавовите“.