Новиот прволигаш Тиквеш ја продолжи соработката со двајцата млади фудбалери во пресрет на новата сезона и враќањето во елитата. Едиз Спахиу и Стефан Наумчески ставија потписи на нови професионални договори со кавадаречкиот клуб.
20-годишниот офанзивец Спахиу му се приклучи на Тиквеш во февруари и одигра одлична полусезона, а беше стрелец и на победничкиот гол во баражот со кој неговиот тим го елиминира Силекс и извади прволигашка виза. Во својата кариера тој има настапувано за Гостивар, Шкендија и за Вардар Форино.
Дефанзивецот Наумчески кој има 20 години минатата сезона го носеше дресот на Тиквеш, а претходно има настапувано за Победа Прилеп, Металург и за Вардар.
