Германскиот бундеслигаш Волфсбург во следната сезона ќе стартува со нов шеф на стручниот штаб. Оливер Гласнер го напушта кормилото, а нов тренер на „волците“ ќе биде холандскиот стратег Марк ван Бомел. Тој добива шанса на клупата на Волфсбург и да го предводи тимот во Бундес – лигата и во Лигата на шампионите.
Ван Бомел единствениот голем предизвик во тренерската кариера го имаше на клупата на ПСВ Ајндховен каде работеше до 2019 година. Како фудбалер од 2006 до 2011 година беше член на Баерн Минхен и добро ги познава состојбите во Бундес – лигата.
