Белгискиот интернационалец Еден Азар би можел ова лето да го напушти Реал Мадрид и да се пресели во Рома, тврди британскиот таблоид „Сан“. Португалскиот стратег Жозе Мурињо е гаранција дека Рома ќе оформи квалитетен состав за следната сезона, а Азар би бил одлично решение. Тој не успеа да се докаже во „кралскиот клуб“, повредите не му дозволија да одигра во континуитет, па постигна само пет гола на 43 натпревари за реал Мадрид.
Најавите се дека Азар ќе биде ставен на трансфер – листата на Реал Мадрид, а Рома би го искористила тоа за да го доведе на „Олимпико“ во Рим за околу 50 милиони евра. Тој од Челси во 2019 година дојде на „Сантијаго Бернабеу“ за трипати поголема сума – 150 милиони евра.
