Екипата на Еибар во финишот дојде до значаен бод откако на домашен терен ремизираше со Бетис играјќи 1-1 во натпревар од 35. коло од шпанска Примера.
Гостите преку Гвардадо уште во 4. минута го отворија резултатот и мудро го чуваа се до 83. минута кога Енирих ја стресе противничката мрежа за конечни 1:1.
Ремито не ги задоволува и двата тима. Еибар води тешка борба за опстанок и во моментот со 30 бодови е на дното од табелата, додека Бетис ќе мора во следното коло да ги обезбеди трите бодови против Хуеска со цел да го сочува шестото место кое води во европски натпреварувања.
