Манчестер Јунајтед сака да го купи Маркос Љоренте

Англискиот премиерлигаш Манчестер Јунајтед сака да го засили средниот ред со еден од најдобрите фудбалери на Атлетико Мадрид, Маркос Љоренте. Тој има одлична сезона во Ла Лига, постигна 12 гола и реализира 11 асистенции на 31 натпревар во шпанското првенство.

Љоренте е вториот најдобар стрелец во клубот зад Луис Суарез и Оле Гунар Солскјер би сакал да го доведе на „Олд Трафорд“.

Атлетико Мадрид бара отштета од 75 милиони евра за Љоренте, за кого интерес појавија и Пари Сен Жермен и Баерн Минхен.