Францускиот гигант Пари Сен Жермен се вклучи во трката за Едуардо Камавинга, еден од најдобрите млади фудбалери во шампионатот. Членот на Рен со одличните игри го привлече вниманието на многу европски гиганти, а најзаинтересирани се Реал Мадрид и Баерн Минхен. Сепак, ПСЖ сака да го задржи во Франција.
Како што пренесува „Л’Екип“, спортскиот директор Леонардо минатата недела ги отворил преговорите со Рен. Камавинга влегува во последната година од договорот, а „светците“ понудиле 30 милиони евра.
Баерн Минхен има друга опција и сака да го вклучи Корентин Толисо како дел од трансферот, но засега искусниот фудбалер не сака да се пресели во Рен. Реал Мадрид преку Зинедин Зидан се обидува да го убеди Камавинга да дојде на „Сантијаго Бернабеу“.
