Екипата на Севиља вечерва на домашен терен славеше над Валенсија со минимални 1-0 и со трите бодови се доближи до врвот од Примера и големата тројка.
Иако можеби нема реални шанси за титулата, сепак Севиља продолжува да притиска и да се надева до последен момент дека ќе успее да ја разбие монотонијата во Примера.
Единствениот гол на натпреварот го постигна Мароканскиот напаѓач Јусеф Ел Незири во 66. минута откако ја стресе мрежата на Силесен.
Севиља останува на четвртото место со 74 бодови, а пред тимот од Андалузија се Реал Мадрид кој има бод повеќе, но и натпревар повеќе, Барселона со 76 бодови и водечкиот Атлетико Мадрид кој има 77 бодови и меч повеќе. До крајот од шампионатот во Шпанија остануваат уште две кола, а Севиља ќе гостува кај Виљареал и ќе затвори против Алавеш на домашен терен.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski