Фудбалерот на Пари Сен Жермен, Левин Курзава заработи повреда на скочниот зглоб која ќе го оддалечи од терените до крајот на сезоната. Според лекарските проценки, тој е неизвесен за настап и на Европското првенство.
Курзава се повреди на натпреварот против Рен и мораше да ја напушти играта во 55.минута. По деталните лекарски прегледи се покажа дека се работи за сериозно истегнување на лигаментите на скочниот зглоб.
