Јувентус нема да игра во Серија А следната сезона ако официјално не се откаже од Европската Суперлига. Само „старата дама“ остана во друштво на Реал Мадрид и на Барселона, откако останатите девет клубови веднаш го напуштија здружението на 12 клубови кои беа основачи на Суперлигата.
„Фудбалската федерација на Италија ги почитува регулативите на УЕФА, а според нив ниту една национална лига нема да може да поддржи клуб кој е дел од новоиформираната Суперлига. Јувентус има рок до почетокот на следната сезона во Серија А да се откаже од новото натпреварување“, изјави Габриеле Гравина, првиот човек на италијанскиот фудбал.
