Публиката се враќа на спортските натпревари. Министерот за здравство, Венко Филипче, потврди дека од утре, со одлука на Владата и официјално ќе биде дозволено враќање на публиката на спортските натпревари.
Ова значи дека последното коло од фудбалските шампионати во Првата лига и во двете втори лиги, како и баражите кои ќе следат за опстанок и за пополнување на елитното друштво, ќе можат да се играат со присуство на гледачи.
Според најавите, Владата ќе дозволи трибините на стадионите да бидат исполнети најмногу со 30 отсто од капацитетот, а притоа ќе треба да се запазат и сите здравствени протоколи.
