Германскиот репрезентативец и офанзивен играч за врска Џулијан Дракслер се согласил да потпише нов тригодишен договор со Пари Сен Жермен, со оглед на тоа што тековниот договор му завршува на крајот од сезоната, објави француски “Л’Екип”.
27-годишниот фудбалер првично барал двегодишен договор со парижаните, но на крајот прифатил подолг договор, но и намалување на претходната плата од 7 милиони евра годишно.
Покрај контактите со клубови од Премиер – лигата и од Серија А, најголемата конкурентна понуда сепак била од Баерн Минхен, кој му понудил супериорни финансиски услови на Германецот. Сепак, Дракслер одлучил да остане на “Паркот на принцовите”.
