Менаџерот на Челси, Томас Тухел, е среќен по триумфот (1-2) над Манчестер Сити со кој Челси ја одложи шампионската промоција на „граѓаните“. Тој вели дека ова ќе ја зголеми самодовербата на неговиот тим пред финалето на Лигата на шампионите.
„Победата ни дава самодоверба, но овој резултат нема да влијае на финалето на Лигата на шампионите. Финалето е уникатен натпревар, не можете да предвидите што ќе се случи. Треба добро да се подготвите. Ќе имаме шанси, тие ќе имаат свои шанси. Сепак, по оваа победа ќе влеземе на теренот знаејќи дека можеме да го победиме Сити. Фудбалерите се уверија дека можат да се „носат“ со силниот ривал. Како и да е, не очекува интересен натпревар во Истанбул“, истакна Тухел.
Финалето во Лигата на шампионите меѓу Челси и Манчестер сити е закажано за 29 мај.
