Манчестер Јунајтед ќе пропушти договор вреден астрономски 200 милиони фунти како резултат на тензиите поради скорешниот протест на навивачите, тврди англиски “Гардијан”.
Се вели дека компанијата “Хат Груп” со седиште во Манчестер била подготвена да плати 200 милиони фунти низ 10 години со цел да стане спонзор на опремата за тренинг на “црвените ѓаволи”. Сепак, по јавниот судир со навивачите, тие го известиле управниот директор на Јунајтед дека договорот отпаѓа.
Пред неколку дена, ултрасите на Јунајтед ги предупредија спонзорите дека ќе го нарушат угледот на нивните брендови доколку не ги раскинат договорите со клубот. Ова, наводно, ги изненадило шефовите на “Хат Груп” и поради тоа, не сакаат да се заплеткаат во целата голгота.
