Наполи лесно против Специја, четврт час за Елмас (ВИДЕО)

Наполи ја совлада Специја на гости со 1-4 и го држи курсот во битката за пласман во Лигата на шампионите. Македонскиот репрезентативец Елиф Елмас доби шанса во 75.минута кога влезе во игра на местото на Дрис Мертенс.

Пјотр Зиелински го отвори резултатот, а потоа Виктор Осимен стрелаше уште двапати за убедливо водство од 0-3 на полувремето. Специја постигна почесен гол преку Роберто Пиколи во 64.минута, а Ирвинг Лозано во 80.минута го постави конечниот епилог.

Удинезе и Болоња ремизираа 1-1.