Реал Мадрид повторно остана без дефанзивецот Рафаел Варан. Тој ќе отсуствува во наредните десетина дена поради повреда на бутниот мускул и нема да конкурира за составот на дуелот в среда против Челси на „Стемфорд бриџ“, реванш меч од полуфиналето во Лигата на шампионите.
Тренерот Зинедин Зидан по подолга пауза ќе го има на располагање капитенот Серхио Рамос, но прашање е колку тој ќе може физички да одговори на предизвикот, со оглед дека има одиграно само 12 натпревари од јануари поради проблеми со повредите.
