Англискиот премиерлигаш Челси сака да направи сериозна промена на напаѓачката позиција. Менаџерот Томас Тухел смета дека на тимот од „Стемфорд бриџ“ му е потребен нов квалитетен напаѓач за да може следната сезона да се впушти во трка за шампионската титула во Премиер – лигата. Тој преферира да го купи Роберт Левандовски од Баерн Минхен иако раководството на клубот се интересира за ангажманот на Ерлинг Халанд од Борусија Дортмунд.
Тухел е подготвен да плати 100 милиони евра за ангажман на Левандовски кој бара нов предизвик и не би имал ништо против да се пресели во Премиер – лигата. Половина од парите би требало да се обезбедат со продажба на Тимо Вернер кој не се снајде најдобро во дресот на Челси и има премногу слаба реализација на шансите.
