Големото англиско дерби меѓу Манчестер Јунајтед и Ливерпул е одложено, нема да се одигра денеска, поради инцидентите кои се случија на „Олд Трафорд“.
Фановите на Јунајтед протестираа против сопствениците на „ѓаволите“, бараат заминување на Глејзер. Полицијата реагираше и ја смири ситуацијата, првично мечот беше одложен за два часа, но потоа беше потенцирано дека не е гарантирана безбедноста.
Манчестер Јунајтед објави соопштение во кое истакна дека го разбира протестот на навивачите, но го осуди влегувањето на теренот на „Олд Трафорд“ и насилните реакции.
