Струга Трим Лум необично ја изненади Шкендија, Ренова очекувано ја победи Беласица, а Вардар е пред бездната откако загуби од Работнички. Шкупи и со вториот „европски претендент“ ремизираше без голови.
Пелистер со триумфот над Академија Пандев обезбеди опстанок, а во Кратово поделија бодови Силекс и Борец.
МАКФУДБАЛ го издвои најдобриот тим на 31.коло во Првата лига.
- ДАВОР ТАЛЕСКИ (ПЕЛИСТЕР)
Одлично го чуваше голот, одбрани и пенал и даде полн придонес во пресвртот за триумф на Пелистер. - ТОМЕ КИТАНОВСКИ (МАКЕДОНИЈА ЃП)
Репрезентативниот бек одигра квалитетен меч против Шкупи. - ЧАРЛЕСТОН (МАКЕДОНИЈА ЃП)
Дефанзивецот на „лавовите“ имаше одлично издание на дуелот против Шкупи. - РИСТЕ ИЛИЈОВСКИ (ПЕЛИСТЕР)
Левиот бек постигна водечки гол за Пелистер во триумфот против Академија Пандев. - ГОРАН СИЛЈАНОВСКИ (РАБОТНИЧКИ)
Капитенот на Работнички постигна убав погодок против Вардар во победата од 1-3. - БУНЈАМИН ШАБАНИ (СТРУГА ТРИМ ЛУМ)
Неуморен во средниот ред, беше одличен во организаторскиот дел, го покриваше целиот терен. - ОМАР ГОУДИЈАБИ (ПЕЛИСТЕР)
Уште еднаш покажа дека е големо засилување за Пелистер, беше незадржлив за одбраната на Академија Пандев, постигна и погодок. - ФАХРУДИН ЃУРЃЕВИЌ (РАБОТНИЧКИ)
Стрелец на гол против Вардар, се движеше одлично во нападот, отворајќи простор и за соиграчите. - НЕМАЊА БОСАНЧИЌ (СТРУГА ТРИМ ЛУМ)
Креаторот на играта на Струга Трим Лум постигна гол и беше еден од најзабалежителните играчи во победата над шампионот Шкендија. - МАРЈАН АЛТИПАРМАКОВСКИ (СТРУГА ТРИМ ЛУМ)
Стрелец на погодок од пенал, инспиратор на триумфот на стружани против Шкендија. - АЛЕН ЈАШАРОСКИ (РЕНОВА)
Одигра одличен натпревар против Беласица, постигна хет – трик и буквално самкот ја разби одбраната на гостите. Придонесе многу во важната победа за својот тим.
ТРЕНЕР НА КОЛОТО: СРЃАН ЗАХАРИЕВСКИ
Струга Трим Лум оствари неочекуван триумф против Шкендија на теренот во Гостивар. На самиот почеток, стружани го изненадија тимот на Ернест Ѓока.
