Актуелниот тренер на Баерн Минхен, Ханси Флик, ја напушта позицијата по завршувањето на сезоната и речиси сигурно ќе биде именуван за нов селекторот на фудбалската репрезентација на Германија. По завршувањето на Европското првенство, Јоаким Лев ќе замине од селекторската функција, а ќе го наследи Ханси Флик, кој ќе ги предводи „панцирите“ и на гостувањето во Скопје против Македонија.
Џулијан Нагелсман е веќе именуван за нов тренер на Баерн Минхен од следната сезона, а неговата позиција во редовите на Лајпциг треба да ја наследи Џес Марш од австрискиот Ред Бул Салцбург. Со ова е комплетирана тренерската „вртелешка“.
