Реал Мадрид утревечер ќе го пречека Челси во првиот полуфинален натпревар од Лигата на шампионите. Тренерот Зинедин Зидан вели дека апсолутно им верува на судиите и не сака да размислува за „можна одмазда“ од УЕФА поради тоа што Реал Мадрид беше предводник на побуната и формирање на Европската Суперлига.
„Воопшто не размислувам на такон начин. Не ни помислувам дека судиите ќе ни се одмаздуваат. Ние треба максимално да бидеме фокусирани на играта, само така ќе можеме да го оствариме посакуваниот резултат и да го победиме Челси. Ќе биде тоа големо искушение за нас, Челси е одличен тим со квалитетни индивидуалци“, изјави Зинедин Зидан.
Главен судија на мечот ќе биде холандскиот судија Дани Макиели.
