Поранешниот тренер на Наполи, Челси и на Јувентус, Маурицио Сари, треба да биде нов шеф на стручниот штаб на Рома од наредната сезона. Тој ги договорил условите со раководството на „волчицата“, открива италијанскиот весник „Кориере дело спорт“.
Рома има разочарувачка сезона во Италија и нема да избори пласман во Лигата на шампионите, а тоа ќе биде и крај на соработката со актуелниот стратег Пауло Фонсека.
Раководството на Рома преговараше и со Масимилијано Алегри, но сепак не успеа да постигне договор.
