Најдобрата македонска фудбалска судијка, интернационалката Ива Пројковска ќе ја дели правдата на утрешниот меч од Лигата на шампиони за жени меѓу Барселона и ПСВ Ајдховен. Ова е ново големо признание од УЕФА за квалитетите на Ива Пројковска.
На утрешниот дуел ќе и помагаат Елена Соклевска и Вјолца Изеири, а четврта судијка ќе биде Ирена Велавачковска.
Ива Пројковска го доби амблемот на ФИФА како меѓународен судија во 2012 година и досега има отсудено преку 50 натпревари како главна судијка на меѓународна сцена.
