Манчестер Јунајтед повторно го освои Париз совладувајќи го ПСЖ со 1-2 и направи голем чекор уште на стартот од новото издание на Лигата на шампионите. Бруно Фернандеш од пенал и тоа од повторен обид, откако Кејлор Навас одбрани, но излегол предвреме од гол-линијата, и Маркус Рашфорд беа стрелци на головите за „црвените ѓаволи“. Марсијал постигна автогол за ПСЖ да израмни на стартот од вториот дел.
Барселона со 5-1 го совлада Ференцварош. Серијата голови ја отвори Лионел Меси од пенал, погодија Ансу Фати, Кутињо, Педри и Дембеле. Каталонскиот тим од 70.минута беше со играч помалку откако исклучен беше Жерар Пике, а Каратин од пенал го постигна почесниот погодок за унгарскиот тим.
Лацио ја совлада Борусија Дортмунд со 3-1. Чиро Имобиле стрелаше прв, Хиц лошо реагираше за 2-0 за „лацијалите“, а Акпа Акпро го постигна третиот гол за италијанскиот состав. Ерлинг Халанд ја затресе мрежата на домаќинот, но триумфот е за Лацио.
Со двата гола на Анхелињо, Лајпциг го доби Башакшехир со 2-0, а Челси и Севилја ремизираа без голови на „Стемфорд бриџ“. Рен и Краснодар одиграа 1-1.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski