Винисиус Жуниор ја известил управата на шпанскиот гигант дека нема да потпише нов договор со „кралевите“, а наводно причината за тоа е неговиот однос со Чаби Алонсо.
Тензиите во соблекувалната поради конфликтот меѓу Алонсо и Винисиус се сѐ поголеми, а „АС“ тврди и дека „кланот“ на Бразилецот суптилно ги одбива заповедите на тренерот и во текот на играта. Токму затоа се и последните послаби резултати на тимот.
Претседателот на „кралскиот клуб“, Флорентино Перез, има доверба во тренерот Чаби Алонсо, но истовремено сака да го продолжи договорот со Бразилецот, па во следниот период ќе мора да најде решение за овој проблем.
