Фудбалерот за врска на Барселона, Гави, ќе биде подложен на операција на коленото. Веста официјално ја објави клубот.
Фудбалерот отсуствуваше од терените во последните недели, првично беше подложен на конзервативен третман, но по новите прегледи е одлучено дека е неопходна хируршка интервенција.
Клубот излезе со официјално соопштение по темата.
„Фудбалерот на првиот тим, Пабло Мартин Паес Гави, помина низ интензивни тестови откако го заврши конзервативниот третман за радијална повреда на внатрешниот менискус на десното колено. Заклучокот е дека, за да се гарантира најдобро можно закрепнување и враќање во натпреварувачка активност, во вторник Гави ќе биде подложен на артроскопија од д-р Жоан Карлес Монлау, под надзор на медицинскиот тим на клубот. Ќе има ново соопштение по завршувањето на постапката.“
Се очекува Гави да биде надвор од терените меѓу четири и шест недели, со прогноза да се врати кон крајот на октомври или почетокот на ноември.
