Фудбалерот за врска на Ливерпул, Алексис Мекалистер, нема да биде дел од денешното дерби со Њукасл. Светскиот шампион не е во групата од 21 фудбалер, бидејќи секој момент се очекува да стане татко за првпат. Уште во март неговата девојка, Ајлен Кова, објави дека двајцата очекуваат бебе.
Вчера од аматерски видеа на социјалните мрежи се забележа дека Аргентинецот не е со тимот, а денес стигна и официјална потврда.
Мекалистер (26) беше стартер во првото коло против Борнмут, а претходно влезе како замена во дуелот за „Комјунити шилд“ против Кристал Палас.
