Интер Мајами избори пласман во следната рунда од Лига купот на Северна и Средна Америка, откако со 5-4 по пенали го совлада мексиканскиот Некакса. Натпреварот во регуларните 90 минути заврши нерешено 2-2, по што победникот се одлучуваше преку изведување пенали.
Иако важеше за фаворит пред почетокот, Интер Мајами доживеа шок рано во натпреварот – Лионел Меси мораше да го напушти теренот уште во првите десет минути поради повреда на мускулот.
Во негово отсуство, сцената ја презеде Родриго де Пол. Тој прво асистираше за почетното водство од 1-0, но потоа Некакса успеа да направи пресврт и да поведе со 2-1. Во судиското продолжение, поточно во 90+2 минута, Де Пол повторно беше клучен – овојпат му асистираше на Жорди Алба за израмнување и продолжување на мечот во пенали.
При изведувањето на пеналите, сите фудбалери на Интер Мајами беа прецизни, додека еден играч на Некакса промаши, што беше доволно американскиот тим да обезбеди место во наредната фаза од натпреварувањето.
