Душан Тадиќ останува во фокусот на фудбалската јавност, бидејќи неговата следна дестинација сè уште не е позната. Црвена Звезда и Војводина веќе изразија интерес за поранешниот капитен на српската репрезентација, а покрај нив во трката се вклучени и европски, како и клубови од арапскиот свет. Во меѓувреме, медиумите објавија дека и Атлетико Мадрид беше заинтересиран за неговиот потпис.
Сепак, трансфер во шпанската престолнина нема да се случи поради невообичаен развој на преговорите. Наводно, Атлетико прво испратил понуда до застапниците на Тадиќ, а потоа, во директните разговори, понудил друга – значително пониска и базирана речиси целосно на бонуси. Таков пристап во преговорите ретко се поврзува со клубови од врвно европско ниво и повеќе е карактеристичен за помалку организирани фудбалски средини.
Ситуацијата станала уште појасна кога мадридскиот клуб го ангажираше Тијаго Алмада, играч со сличен профил на Тадиќ, што дополнително ја намалува веројатноста за негово доаѓање во „Ванда Метрополитано“.
Иако моментално приоритет на Тадиќ наводно е ангажман во странство, неговото присуство во Белград, каде што тренира со кондицискиот тренер Андреја Милутиновиќ, предизвика оптимизам кај навивачите на Црвена Звезда. Тие веруваат дека по трансферот на Марко Арнаутовиќ, клубот би можел да донесе уште едно големо интернационално име.
