Федерико Бернардески официјално се врати во Серија А, откако беше претставен како нов фудбалер на Болоња. Крилниот напаѓач, познат по настапите за Јувентус и италијанската репрезентација, се приклучи на Болоња како слободен агент.
Договорот е на две години со можност за продолжување уште една, а платата на 31-годишниот фудбалер изнесува 1,8 милиони евра годишно.
Од 2022 година Бернардески настапуваше за Торонто. Во МЛС – лигата одигра 87 натпревари и постигна 24 гола.
